نەتانیاهۆ: ئەوکاتەى حەماس لە غەززە نەما کۆتایی بە شەڕ دێت

ئاڤا نیوز

سەرۆکوەزیرانی ئیسرائیل سەبارەی بە کۆتاییهێنان بە ئۆپەراسیۆنە سەربازییەکانی ئیسرائیل لە کەرتی غەززە ڕایگەیاند، ئەوکاتە حەماس نەما شەڕیش کۆتایی دێت.

وێنە گەورەکە: سەڕەرای ئەوەی هەوڵە نێودەوڵەتییەکان بەردەوامن بۆ کۆتایی هێنان بە شەڕی غەززە و ڕاگەیاندنی ئاگربەستێکی گشتگیر لەو کەرتە، بەڵام ئیسرائیل بەردەوامە لە بۆردومانکردنی ئەو کەرتە و بە ئامانجگرتنی هاووڵاتیانی سڤیل. 

لێدوانی فەرمی: بنیامین نەتانیاهۆ، سەرۆکوەزیرانی ئیسرائیل ڕایگەیاند: ''ئەگەر بزووتنەوەی حەماس چەکەکانی دابنێت و خۆی ڕادەست بکات، رەنگە رێگەیان پێبدەین غەززە بەجێبهێڵن''.

لەلایەکی دیکەوە: سەبارەت بە ئەنجامدانی دانوستان لەگەڵ بەرپرسانی ئێران نەتانیاهۆ گوتی، ''چانسی ئاشتی و گفتوگۆ لەگەڵ رژێمی ئێستای ئێران نییە''.

 

زانیاریی زیاتر: نەتانیاهۆ ئاماژەی بە پەیوەندی ئەمریکا و ئێرانی کرد و ڕایگەیاند: ئەو ئەمریکییانەی پشتگیری لە  ئیسرائیل ناکەن،  واتاى ئەوەیە پشتگیری لە ئەمریکا ناکەن.