کرێملین: چاوەڕێی ڕوودانی موعجیزە لە دانوستانەکان ناکەین

ئاڤا نیوز

بڕیارە لە کۆتایی ئەم هەفتەیە، دانوستانەکانی نێوان ڕووسیا و ئۆکراینا بە بەشداری شاندی باڵای هەردوو وڵات هاوشێوەی گەڕەکانی دیکە لە ئیستەنبووڵ بەڕێوەبچن.

وێنە گەورەکە: ڕووسیا و ئۆکراینا دوو گەڕی دانوستانیان بە نێوەندگیری تورکیا لە ئیستنەبووڵ ئەنجامداوە و هەردوولا دەرئەنجامەکانیان بە ئەرێنی و بەرهەمدار وەسف کردبوو، بەڵام تاوەکو ئێستا ڕێککەوتنی ئاگربەست ڕانەگەیێنراوە و بڕیارە لە ڕۆژی چوارشەممەی داهاتوو گەڕی سێیەم ئەنجام بدرێت.

بڵاوکراوەی فەرمی: دیمیتری پیسکۆف، وتەبێژی کرێملین بێ هیوای خۆی لە ئەنجامی ئەم گەڕەی دانوستانەکان نیشاندا و ڕایگەیاند: هیچ هۆکاریک نییە بۆ ئەوەی هیوامان بەوە بێت کە پێشکەوتن لە  دانوستانەکان هەبن.

ئەمەش بزانە: ئەم لێدوانەی کرێملین لە کاتێکدایە دۆناڵد ترەمپ، سەرۆکی ئەمریکا وادەی 50 ڕۆژی بۆ ڕووسیا داناوە بۆ گەیشتن بە ڕێککەوتنی ئاشتی لەگەڵ ئۆکراینا و ڕایگەیاندووە،  ئەگەر تا ئەم وادەیە نەگەن بە ئاگربەست ئەوا سزای قورس بەسەر ڕووسیا دەسەپێنن.