لە ئاڤاوە ناوی سوودمەندبووانی وەرگرتنی زەوی لە سنووری هەولێر بزانە

ئاڤا نیوز

 

دابەشکردنی زەوی بەسەر فەرمانبەران بەردەوامە، ئەمڕۆش 1400 پارچە زەوی دیکە لە سنووری شارەوانیی دارەشەکران لە هەولێر دابەشکران.

 

وێنە گەورەکە: لەسەر ڕاسپاردەی سەرۆکوەزیران مەسرور بارزانی، دابەشکردنی زەوی بەسەر فەرمانبەران بەردەوامە. دوای وردبینی لە ناوەکان لە هەفتەی ڕابردوو دابەشکردنی زەوی لە سنووری شارەوانیەکانی هەولێر دەستیپێکردووە، دابەشکردنەکەش بە قۆناغ دەبێت.

 

لێدوانی فەرمی: ئومێد خۆشناو، پارێزگاری هەولێر، ڕایگەیاند، لە هەفتەی ڕابردووە دەستمان بە دابەشکردنی زەوی کردووە لە سنووری شارەوانییەکانی هەولێر، لە شارەوانی بەحرکە دەستمان پێکرد و پرۆسەکە بەردەوام دەبێت، ئەمڕۆ نزیکەی 1400 پارچە زەوی بەسەر فەرمانبەران و خانەنشین و پێشمەرگە و کارمەندانی هێزەکانی ناوخۆ لە سنووری شارەوانی دارەشەکران دابەشکران.

 

پارێزگاری هەولێر دەڵێت، تاوەکو یەک فەرمانبەر بمێنێت پرۆسەکە بەردەوام دەبێت و کەس بێ بەش نابێت.

 

ئەوەی پێویستە بیزانیت: بە بڕیاری سەرۆکوەزیران مەسرور بارزانی، دوای تێپەڕینی 18 ساڵ، پرۆسەی دابەشکردنی زەوی دەستیپێکردەوە، نزیکەی 200 هەزار فەرمانبەر و خانەنشین لە بڕیارەکە سوودمەند دەبن و هەر کەسێک 200 مەتر زەوی پێ دەدرێت.

 

لەم لینکەوە ناوەکان بخوێنەرەوە: