حەماس وەڵامی خۆی بە نێوەندگیرەکان دا؛ ئیسرائیل خوێندنەوەی بۆ دەکات

ئاڤا نیوز

میدیا ئیسرائیلییەکان ئاشکرایان کرد کە حەماس وەڵامی خۆی بۆ پێشنیازی ئاگربەست لە کەرتی غەززە پێشکەش بە نێوەندگیرەکان کردووە.

چیرۆکی سەرەکی: ماوەی سێ هەفتەیە، بزووتنەوەی حەماس و  ئیسرائیل لە دەوحەی پایتەختی قەتەر دانوستان ئەنجام دەدەن، دوای ئەوەی وەڵامی سەرەتایی بزووتنەوەکە بۆ پێشنیازەکانی ئاگربەست لەلایەن نێوەندگیرەکان ڕەتکرایەوە، حەماس دوا وەڵامی خۆی پێشکەش بە نێوەندگیرەکان کرد.

زانیاری بەدەستهاتوو: ماڵپەری ئەکسیۆس لە زاری بەرپرسێکی ئیسرائیلی ئاشکرای کرد، تەلئەبیب وەڵامی حەماسی بۆ  پێشنیازی ئاگربەست لە غەززە وەرگرتووە و لە ئێستادا سەرقاڵی خوێندنەوەیە بۆی هاوکات ماڵپەرەکە ئاماژەی بەوە داوە، وەڵامی حەماس بۆ ئەم جارە باشتربوونێکی بەرچاوی بەخۆیەوە بینیوە بە بەراورد بە وەڵامەکەی پێشووی.

ئەمەش بزانە: حەماس داوا دەکات ڕێککەوتنی ئاگربەست کۆتایی هاتنی هەمیشەیی شەڕەکە و کشانەوەی تەواوەتی هێەکانی ئیسرائیل لە کەرتی غەززە لەخۆبگرێت، بەڵام ئەم وەڵامە ڕەتکرایەوە تاوەکو ئێستاش هیچ زانیارییەک لە بارەی وەڵامی ئەمجارە ئاشکرا نەکراوە.