بەهۆی ئاگرکەوتنەوە لە تورکیا 10 کەس گیانیان لەدەستدا

ئاڤا نیوز

وەزیری کشتوکاڵ و دارستانەکانی تورکیا ڕایگەیاند، بەهۆی ئاگرکەوتنەوە لە دارستانەکانی ناوەڕاستی تورکیا چەند ئەندامێکی تیمی ئاگرکوژێنەوە گیانیان لەدەستدا.

چیرۆکی سەرەکی: لە ڕۆژی سێشەممەوە 2025-07-22،  ئاگرێکی گەورە لە دارستانەکانی ناوچەی سەید غازی سەر بە ئەسکیشەهیر کەوتووەتەوە، تیمەکانی ئاگرکوژێنەوە و تیمەکانی فریاگوزاری هەوڵی کۆنتڕۆڵکردنی دەکەن.

لێدوانی فەرمی: ئیبراهیم یوماکلی، وەزیری کشتوکاڵ و دارستانەکانی تورکیا ڕایگەیاند، لە کاتی هەوڵدان بۆ کۆنتڕۆڵکردنی ئاگری دارستانەکان لە پارێزگای ئەسکیشەهیر، 10 کارمەندی ئاگرکوژێنەوە گیانیان لەدەستدا و 14 کەسیش برینداربوون.

زانیاریی زیاتر: یوماکلی گوتیشی، 24 ئەندامی تیمی ئاگرکوژێنەوە لە دارستانەکە گیریان خواردبوو و لە ناکاو ئاگر بە ڕوویانداوە هاتووە و 10 کەسیان گیانیان لەدەستداوە و ئەوانی دیکەش لە نەخۆشخانە چارەسەر وەردەگرن.