ڕاگەیێنراوی DNOی نەرویجی لەبارەی هێرشە درۆنییەکان

ئاڤا نیوز

کۆمپانیای DNOی نەرویجی، ڕایدەگەیێنێت بەهۆی هێرشە درۆنییەکانەوە بەرهەمی نەوتیان بە ڕێژەی 6.3% دابەزیوە.

 

چیرۆکی سەرەکی: بەرەبەیانیی ڕۆژی 16ـی ئەم مانگە، بە سێ درۆن دوو هێرشکرایە سەر کێڵگەکانی تاوکێ و پیشخابوور و بەرهەمهێنانی نەوت لەو دوو کێڵگەیە وەستا. کە لالەیەن کۆمپانیای DNOی نەرویجیەوە بەڕێوەدەبرێت.

 

ڕاگەیێنراوی فەرمی: بەگوێرەی ڕاگەیێنراوی کۆمپانیاکە، "تێکڕای بەرهەمی ڕۆژانەی نەوتمان لە هەرێمی کوردستان لە ماوەی مانگەکانی نیسان، ئایار و حوزەیرانی ئەمساڵدا گەیشتووەتە 74,760 بەرمیل، ئەمەش پێش ئەو هێرشانەی ئەم دواییانە بوو کە بە فڕۆکەی بێفڕۆکەوان کرانە سەر کێڵگەکانمان."

لەهەمان کاتدا: کۆمپانیاکە ڕاشیگەیاند، "پشکی ئێمە لەم بەرهەمە ڕۆژانەیەدا گەیشتووەتە 18,000 بەرمیل"، و ئاماژەی بەوەشکرد کە "بەرهەممان بە بەراورد بە هەمان ماوەی ساڵی ڕابردوو بە ڕێژەی 6.3% کەمی کردووە."

 

ئەوەی پێویستە بیزانیت: لە دوای هێرشە درۆنییەکان کۆمپانیای DNOـی نەرویجی ڕایگەیاندبوو، یەکێک لە درۆنەکان کۆگای عەمبارکردنی نەوتی بە ئامانج گرتووە. ئاماژەی بەوەشدابوو لێکۆڵینەوەکان بۆ خەمڵاندنی زیانەکان بەردەوامن و لە ئایندەی نزیک کۆمپانیا دەست بە بەرهەمهێنان دەکاتەوە.

 

ئەمەش بزانە: کۆمپانیای DNO ـی نەرویجی ڕۆژی 25ی حوزەیرانی 2004 گرێبەستی هاوبەشی لە بەرهەمهێناندا لەم كێڵگانە لەگەڵ حکومەتی هەرێمی کوردستان واژۆ كردووە، لە چارەکی یەکەمی ئەمساڵ ڕۆژانە 82 هەزار و 81 بەرمیلی بەرهەمهێناوە.