سعوودیە بە بەهای ملیاران دۆلار وەبەرهێنان لە سووریادا دەکات

ئاڤا نیوز

بە ئامانجی پتەوکردنی پەیوەندییە ئابوورییەکانی سووریا و سعوودیە، یەکەمین کۆڕبەندی وەبەرهێنانی هاوبەش لە دیمەشقی پایتەخت بەڕێوەچوو.

چیرۆکی سەرەکی: خالید بن عەبدولعەزیز فالح، وەزیری وەبەرهێنانی سعودیە، هاوڕێ لەگەڵ 130 بازرگانی سعودی چووبوونە دیمەشق بۆ ئەوەی ببنە بەشێک لە ڕێککەوتنەکانیان نێوان سووریا و سعودیە.

ڕێککەوتنەکە بەم شێوەیەیە: سووریا و سعوودیە 47 ڕێککەوتننامە و لێکتێگەیشتنیان بە بەهای 6.4 ملیار دۆلار واژۆکرد بۆ دووبارە بوژاندنەوەی ژێرخانی سووریا، ڕێککەوتننامەکە سێکتەرە جیاوازەکانی سووریا دەگرێتەوە لەوانە، پیشەسازی، وزە، خانووبەرە، دروستکردنی نەخۆشخانە، ئاوادانکردنەوەی ناوچە زیانلێکەوتووەکان، پەیوەندییەکان، دارایی و بانکی تەنانەت ئاسایشی ئەلیکترۆنی و سندووقەکانی وەبەرهێنان لە سووریا.

ئەوەی پێویستە بیزانیت: لە چوارچێوەی ڕێککەوتنەکاندا، سعوودیە بە بەهای 1.66 ملیار دۆلار وەبەرهێنان  لە سێکتەری ئاسایشی ئەلیکترۆنی سووریادا دەکات.

زانیاریی زیاتر: سعوودیە تاوەرێکی نیشتەجێبوون و بازرگانی بە ناوی جەوهەرە بە بەهای 100 ملیۆن دۆلار لە دیمەشق دروست دەکات.

لێدوانی فەرمی: حەمزە موستەفا، وەزیری ڕاگەیاندنی سووریا دەڵێت، ڕێککەوتنەکانیان لەگەڵ سعوودیە دەبنە هۆی دابینکردنی 50 هەزار هەلی کار لە 14 پارێزگای سووریادا.