ڕووبارێکی گەورەی ناسریە دەبێتە گۆماو

ئاڤا نیوز

یەکێک لە گەورەترین ڕووبارەکانی شاری ناسریە، ناوەندی پارێزگای زیقار، بەتەواوی وشکی کردووە و بووەتە زەوییەکی وشک و دیمەنی ڕاستەقینەی قەیرانی کەمئاوی لە باشووری عێراق نیشان دەدات.

چیرۆکی سەرەکی: ڕووبار و بەنداوی "بدعە"  یەکێکە لە کۆنترین بەنداوەکانی ئاودێری لە عێراق و مێژووی دروستکردنی بۆ ساڵی 1927 لە سەردەمی پاشایەتی دەگەڕێتەوە، ئێستا ڕووبەڕووی وشکبوونەوە بووەتەوە. 

لێدوانی فەرمی: سائر هادی، چالاکوانی مەدەنی هۆکاری وشکبوونی ڕووبار و بەنداوەکەی بۆ سیاسەتە هەڕەمەکییەکانی باشووری شەتڕە گەڕاندەوە و لە لێدوانێکدا بە ئاڤا میدیای وت: ئەو ڕووبارەی کە ناوچەکەی بە چەندین مەتر دادەپۆشی و ناوچەیەکی گەشتیاری بوو، ئێستا بووەتە زەوییەکی وشک و لە ماڵەکانیشدا قەترە ئاو نییە .

لەلایەکی دیکەوە: هاشم موحەیبس، بەڕێوەبەری سەرچاوەکانی ئاوی زیقار بە ئاڤای گوتووە، ئاوی ڕووبارەکە کە دەگاتە نێوان هەردوو پارێزگای واست و زیقار 64 مەتر سێجا لە چرکەیەکدا کەمی کردووە.

كاریگه‌ریی و لێكه‌وته‌كان: موحەیبس، هۆشداری لەوەدا کە سەرجەم ئەو ڕووبارانەی کە پشتیان بە ڕووباری بدعە بەستووە مەترسی ڕاگرتنیان لەسەرە، ئەمەش مانای وایە شارەکانی ناسریە، سوق شیوخ، دەوایە، شەتڕە و ڕۆژهەڵاتی پارێزگاکە ڕەنگە ڕووبەڕووی قەیرانی کەمئاوی ببنەوە.