پێدانی کاتژمێرەکانی کارەبا لە ڕواندز ئاسایی دەبێتەوە

ئاڤا نیوز

ماوەی چەند ڕۆژێکە گرفتی پێدانی کارەبای نیشتمانی لە سنووری قەزای ڕواندز دروستبووە، قایمقامی قەزاکەش دەڵێت، "لە هەوڵداین و کێشەکە چارەسەر دەکەین، پێدانی کاتژمێرەکانی کارەبا ئاسایی دەبێتەوە."

وێنە گەورەکە: دانیشتووانی سنووری ئەو قەزایە دەڵێن، سێ ڕۆژە لە 24 کاتژمێر شەش بۆ حەوت کاتژمێر کارەبای نیشتمانیان هەیە، داوایان لە ئاڤاکردووە بەدواداچوون بۆ کێشەکانیان بکات.

لێدوانی فەرمی: ئەحمەد قادر، قایمقامی قەزای ڕواندز بە ئاڤای گوت، "كەمبوونەوی كاتژمێرەكانی پێدانی كارەبا ناجێگر بوونی  لە شار و شارۆچكەكانی دەرەوەی هەولێر و ئیدارەی سەربەخۆی سۆران، هۆکاری گرفتەکە بووە، لەگەڵ ئیدارەی سەربەخۆ و وەزارەت لەسەر هێڵ بووین، هاووڵاتیان دڵنیا دەکەینەوە کە پێدانی کاتژمێرەکانی کارەبا ئاسایی دەبێتەوە."