مووچەیەکی مامۆستایانی گرێبەست و سێ مووچەی فەرمانبەرانی گرێبەست دابەش دەکرێت

ئاڤا نیوز

ڕۆژی دووشەممە مووچەی فەرمانبەرانی گرێبەستی وەزارەتی پەروەردە و خوێندنی باڵا دابەشدەکرێت، هاوکات هەر هەمان ڕۆژ بەشێکی دیکەی لە فەرمانبەرانی گرێبەست لە دامەزراوە فەرمییەکان سێ مووچەی ڕابردوویان بۆ خەرج دەکرێت.  

چیرۆکی سەرەکی: سبەی سەرجەم فەرمانبەرانی گرێبەست لەسەر داهاتی ناوخۆ مووچەیان بۆ خەرج دەکرێت، ئەمەش دوای بڕیارێکی سەرۆکوەزیران مەسرور بارزانی دێت. 

ڕاگەیێنراوی فەرمی: وەزارەتی دارایی و ئابووری هەرێمی کوردستان بڵاویکردووەتەوە: سبەی مووچەی فەرمانبەرانی گرێبەست بەمشێوەیەی خوارەوە خەرج دەکرێت:-

مووچەی مانگی ئایاری مامۆستایانی گرێبەستی سەر بە وەزارەتی پەروەردە.

مووچەی مانگی نیسانی مامۆستایانی گرێبەستی سەر بە وەزارەتی خوێندنی باڵا و توێژینەوەی زانستی.

هەر سبەی دووشەممە، مووچەی مانگەکانی ئاب و ئەیلوولی ساڵی 2024 و مووچەی مانگی ئایاری ساڵی 2025 بۆ سەرجەم فەرمانبەرانی گرێبەست لە دامەزراوە فەرمییەکان خەرج دەکرێت.