ترەمپ وادەی ڕاگەیاندنی ئەنجوومەنی ئاشتیی غەززە دیار دەکات

ئاڤا نیوز

دواجار لەبارەی ڕاگەیاندنی ئەنجوومەنی ئاشتی لە غەززە دۆناڵد ترەمپ، سەرۆکی ئەمریکا  ئاشکرای کرد، سەرەتای ساڵی داهاتوو ناوی ئەو سەرکردانەی جیهان کە بەشداریی ئەنجوومەنی ئاشتیی غەززە دەکەن، ئاشکرا دەکرێت.

 

لێدوانی فەرمی: دۆناڵد ترەمپ سەرۆکی ئەمریکا ڕایگەیاند، لە سەرەتای ساڵی 2026 ئەندامێتی "دەستەی ئاشتی" غەززە ڕادەگەیەنین، ژمارەیەک سەرکردە خواستی خۆیان دەربڕیووە بۆ پەیوەندیکردن بەو ئەنجوومەنە، دەشڵێت، پاشاکان، سەرۆکەکان، سەرۆکوەزیرانەکان  ⁠هەموویان دەیانەوێت لە دەستەی ئاشتیدا بن، ئەمە دەبێتە یەکێک لە ئەفسانەیترین بۆردەکان تا ئێستا.

 

زانیاریی بەدەستهاتوو: بەگوێرەی وتەی بەرپرسانی ئاگادار لەم بابەتە، ئەو دەستەیە کە بە ئەنجوومەنی ئاشتی ناسراوە و ترەمپ سەرۆکایەتی دەکات، نزیکەی دەیان سەرکردەی ڕۆژهەڵاتی ناوەڕاست و وڵاتانی ڕۆژئاوا لەخۆدەگرێت کە ئامانج لێی بەڕێوەبردنی غەززەیە بۆ ماوەی دوو ساڵ.

 

ئەوەی لەبارەیەوە دەگوترێت: بڕیارە لە کۆتایی ساڵی 2025 لەمیانی کۆبوونەوەی نێوان ترەمپ و بنیامین نەتانیاهۆ، سەرۆکوەزیرانی ئیسرائیل، پلانەکە ڕابگەیێنرێت.