وەزارەتی ناوخۆ بڕیارێک لەبارەی پۆشینی جلوبەرگی سەربازی دەردەکات

ئاڤا نیوز

بەگوێرەی نوسراوێکی وەزارەتی ناوخۆی حکومەتی هەرێمی کوردستان، پێویستە ئەفسەر و هێزەکانی ئاسایشی ناوخۆ بە ئەرکی فەرمی نەبێت جلوبەرگی سەربازی نەپۆشن.

لێدوانی فەرمی: لیوا تاریق ئەحمەد، بەرێوەبەری گشتی پۆلیسی ھەرێمی کوردستان ڕایگەیاند: لەپێناو پاراستنی شکۆی ئەفسەر و کارمەندانی هێزەکانی ئاسایشی ناوخۆ کە بەرپرسن لە پاراستنی سەروماڵی هاووڵاتییان، قەدەغەیە بە جلوبەرگی سەربازییەوە بۆ هیچ مەبەستێک جگە لە ئەرکی فەرمی ئەفسەر و کارمەندان ڤیدیۆ لە تۆرە کۆمەڵایەتیەکان بڵاو بکەنەوە.

زانیاریی زیاتر: هەر ئەفسەر و کارمەندانی هێزەکانی ئاسایشی ناوخۆ ئەگەر بەشداریی هەر چالاکییەک بکەن، پێویست بێت جلوبەرگی فەرمی لە دەرەوەی کاتی دەوام لەبەر بکەن و ئەو چالاکییەک لە هەر کەناڵێکی میدیایی یان تۆڕی کۆمەڵایەتی پیشان بدرێت، پێویستە ڕەزامەندی بەرپرسەکانیان وەربگرن؛ بەپێچەوانەوە هەر کەسێک بۆ هەر مەبەستیکی دیکە جلوبەرگی فەرمی لەبەر بکات و لە تۆڕە کۆمەڵایەتییەکان خۆی نمایش بکات لێپرسینەوەی یاسایی لەگەڵ دەکرێت.

بۆچی گرنگە: ئەو بڕیارە رێگری دەکات لەوەی هەر ئەندام یان ئەفسەرێکی هێزەکانی ناوخۆ جلوبەرگی سەربازی بۆ کاری تایبەتی بەکاربهێنێت.