حەماس: لە ژێر گەمارۆ و برسیکردن دانوستان سوودی نییە

ئاڤا نیوز

سەرۆکی بزووتنەوەی حەماس لە کەرتی غەززە دووپاتیکردەوە، هیچ مانایەک بۆ دانوستان و گفتوگۆ کردن لە ژێر بۆردوومان و برسیکردن نیییە.

وێنە گەورەکە: بەهۆی گەمارۆکانی ئیسرائیل بۆ سەر کەرتی غەززە، دۆخی مرۆیی گەیشتووەتە ئاستێکی مەترسیدار و کارەساتبار،  هاووڵاتییانی کەرتەکە بەدەست نەبوونی خۆراک و دەرمان و سووتەمەنی دەناڵێنن و تاوەکو ئێستاش زیاتر لە 130 کەس لە برسان مردوون.

لێدوانی فەرمی: خەلیل حەیە، سەرۆکی حەماس لە کەرتی غەززە ڕاگەیاند: دانوستانەکان لەگەڵ ئیسرائیل لە ژێر بۆردوومان و برسیکردن بەردەوام نابن، دەبێت دەستبەجێ ڕێگە بۆ تێپەڕبوونی هاوکارییە مرۆییەکان بکرێتەوە.

لەلایەکی دیکەوە: ستیف ویتکۆف، نێردەی تایبەتی ئەمریکا بۆ ڕۆژهەڵاتی ناوەڕاست دووپاتیکردەوە، دانوستانەکان بە ئاراستەیەکی باش و ئەرێنی دا دەڕۆن.

ئەوەی پێویستە بیزانیت: دوێنێ یەکشەممە ئیسرائیل بۆ ئاسانکاری کردن لە گەیاندنی هاوکارییە مرۆییەکان، وەستانێکی تاکتیکی لە سێ شوێنی کەرتی غەززە ڕاگەیاند و ڕێگە بە چوونە ناوەوەی هاوکاری مرۆیی دا، بەڵام ڕێکخراوەکان دەلێن ئەمە چارەسەر نییە و دەبێت سەرجەم دەروازەکان بکرێنەوە