گۆتێرێس: دامەزراندنی دەوڵەتێک بۆ فەڵەستینییەکان خەڵاتکردنیان نییە و پێدانی مافە

ئاڤا نیو

ئەنتۆنیۆ گۆتێرێس، سکرتێری گشتیی نەتەوە یەکگرتووەکان لە بارەی خراپی دۆخی هاووڵاتییانی کەرتی غەززە قسەی کرد و باسی لە چارەسەری ئاشتییانەی دوو دەوڵەتیش کرد. 

چیرۆکی سەرەکی: لە بارەگای نەتەوە یەکگرتووەکان، سکرتێری گشتیی نەتەوە یەکگرتووەکان بەشداریی لە دانیشتنێکرد بە ناونیشانی "پرسی فەڵەستین و چارەسەری ئاشتییانەی دوو دەوڵەتی" لەو میانەیە وتارێکی پێشکەش کرد. 

لێدوانی فەرمی: گۆتێرێس لەو کۆبوونەوەیەدا ڕایگەیاند: واتای ئەوە چییە کە ئیسرائیل و فەڵەستین وەک دوو وڵاتی سەربەخۆ کە خاوەن سەروەری و دیموکراتیکن لە پاڵ یەکدا لە ئاسایش و ئارامیدا دەژین. پرسیاری سەرەکی من لەو کەسانەی کە لەگەڵ ئەو چارەسەرییەدا نین، جێگرەوە چییە؟.

 وڵاتێکی فەڵەستینی کە هاووڵاتیانی بە یەکسانی بژین و ناچار نەبن لە ژێر داگیرکارییدا بژین؟ وڵاتێک کە فەڵەستینییەکان بە زۆر کۆچیان پێ بکرێت؟ ئەوە نە ئاشتییە، نە دادپەروەرییە و نە هاوتەریبە لەگەڵ یاساکانی نێودەوڵەتی و قبوڵکراویش نییە. ئەو دۆخە تەنیا ئیسرائیل لەسەر ئاستی جیهانیدا پەراوێز دەخات با بە ئاشکرا بڵێم، دامەزراندنی دەوڵەتێک بۆ فەڵەستینییەکان خەڵاتکردنیان نییە، پێدانی مافە. حاشاکردن لەو مافە، پێدانی خەڵاتە بە هەموو تاکێکی تووندڕەو لەسەرانسەری جیهاندا".

 

گۆتێرێس لە بەشێکی دیکەی قسەکانیدا بە ئاماژەدان بەوەی کە دیپلۆماسی لە ڕۆژهەڵاتی ناوەڕاست بۆ دەیان ساڵە "قۆناغێک" بووە نەک ڕێگایەک بۆ ئاشتیی.