ڕووسیا هێرشێکی بەرفراوانی دەکاتە سەر ئۆکراینا

ئاڤا نیوز

شەوی ڕابردوو ڕووسیا بە دەیان فڕۆکەی بی فڕۆکەوان هێرشی کردە سەر شارە جیاوازەکانی ئۆکراینا و دەیان کوژرا و برینداری لێکەوتووەتەوە.

وێنە گەورەکە: شەوی دووشممە، 28-7-2025، سەڕەرای هەوڵە نێودەوڵەتییەکان بۆ ڕاگەیاندنی ئاگربەست لە نێوان مۆسکۆ و کیێڤ، بەڵام ڕووسیا  هێرشی کردە سەر  دوو ناوچەی جیاوازی ئۆکرینا و بەهۆیەوە نزیکەی 20 کەس کوژران و 40 کەسی دیکەش برینداربوون.

لێدوانی فەرمی: ئەندرێ یەرماک، بەرپرسی نووسینگەی سەرۆکی ئۆکراینا رایگەیاند: ڕووسیا ژمارەیەک شوێنی نیشتەجێبوونی هاووڵاتییانی سڤیلی کردووەتە ئامانج و ئەمەش یەکێکی دیکەیە لە تاوانەکانی جەنگی ڕووسیا.

ئەوەی پێویستە بیزانیت: ئەم هێرشانە لە کاتێکدان کە هەریەکە لە ڕووسیا و ئۆکراینا هەفتەی ڕابردوو  دانوستانیان ئەنجامدا بۆ ڕێککەوتن لەسەر ئاگربەست، بەڵام هەردوو لا نەگەیشتنە ڕێککەوتنێکی گشتگیر و هەمیشەیی.