ترەمپ: گەر سەرۆک شی جینگپینگ بانگهێشتم بکات ئامادەم سەردانی چین بکەم

ئاڤا نیوز

دۆناڵد ترەمپ دەڵێت، هیچ هەوڵێک بۆ بینینی سەرۆکی چین نادات، بەڵام گەر بانگهێشت بکرێت ئەوا ئامادەیە سەردانی بەیجینگ بکات.

 

وێنە گەورەکە: بە پێی ڕاپۆرتی میدیا جیهانییەکان، ڕاوێژکارانی دۆناڵد ترەمپ، سەرۆکی ئەمریکا و شی جینپینگ، سەرۆکی چین تاوتوێی ئەگەری کۆبوونەوەیەکی نێوان دوو سەرۆکەکەیان کردووە، هەوڵ دەدرێت لە میانی گەشتێکی سەرۆکی ئەمریکا بۆ ئاسیا لە کۆتاییەکانی ئەمساڵدا کۆبوونەوەیەک لە نێوان هەردوو سەرۆک ئەنجام بدرێت. 

 

لێدوانی فەرمی: ئەمڕۆ دووشەممە، دۆناڵد ترەمپ، سەرۆکی ئەمریکا ڕایگەیاند، هەوڵی سازکردنی کۆبوونەوەی لوتکە لەگەڵ شی جینپینگ، سەرۆکی چین نادات، بەڵام  بە یەک مەرج سەردانی چین دەکات.

 

لەبارەی مەرجەکەی بۆ کۆبوونەوە لەگەڵ شی، ترەمپ لە پلاتفۆرمی تروس سۆشیاڵ نووسیویەتی: "ڕەنگە بچم بۆ چین، بەڵام تەنها لەسەر بانگهێشتی سەرۆک شی دەبێت، ئەگەرنا هیچ هەوڵێک نادەم بۆ کۆبوونەوەی لوتکە لەگەڵ سەرۆکی چین."

 

زانیاری زیاتر: لە گەڕی سێیەمی دانوستانە بازرگانییەکانی نێوان ئەمریکا و چین لە ستۆکهۆڵم، زەمینەسازی کراوە بۆ کۆبوونەوەی لوتکەی سەرکردەکان لە وەرزی پاییزدا، بەڵام هەر سەرهەڵدانەوەیەکی نوێی پێناسی گومرگی و کۆنترۆڵی هەناردەکردن، ئەگەری زۆرە کاریگەری خراپی  لەسەر پلانی کۆبوونەوەی  لووتکەی چین و ئەمریکا هەبێت