لە عێراق 56 ژمارەیەکی شوومە؛ تا ئێستا ئەو ژمارەیە نەدراوە بە هیچ بەربژێرێک

ئاڤا نیوز

لە عێراق ژمارە 56 ژمارەیەکی شوومە و هەموو عێراقییەکان ڕقیان لێیەتی، تەنانەت لە هیچ هەڵبژاردنێکی عێراق ئەو ژمارەیە نەدراوە بە لیست و بەربژێرەکان.

لێدوانی فەرمی: د. عیماد جەمیل، سەرۆكی تیمی میدیایی كۆمیسیۆنی باڵای سەربەخۆی هەڵبژاردنەكانی عێراق تایبەت بە ئاڤا وەڵام دەداتەوە و دەڵێت ژمارە 56 لە عێراق ژمارەیەکی شوومە و کەس نایەوێت، تەنانەت لە هەموو عێراقدا ڕقیان لەم ژمارەیە هەیە.

- هیچ كام لە بەربژێرەكان ئامادەنین و ئامادە نەبوون ئەو ژمارەیە ببێتە بەشیان، بۆیە هەر لە بنەڕەتەوە لە لیستی تیروپشكدا دەرمانهێنا.

دەشڵێت، ئەگەر بە کەسێک بڵێی 56 لێت دەدا، چونکە لەناو عێراقییەکاندا، ئەگەر کەسێک ساختەچی و فێڵباز بێ پێی ئەڵێن 56.

ئەوەی پێویستە بیزانیت: لە عێراق ماددەیەکی یاسایی هەیە کە ژمارەکەی 456ـە و بۆ ئەو تۆمەتبارانە بەكاردێت كە بە تۆمەتی ساختەكردن و فێڵكردن تۆمەتبار دەکرێن