بوومەلەرزەکەی شارەزوور گوڕەکەی 2.5 پلە بوو

ئاڤا نیوز

 

نیوەڕۆی ئەمڕۆ لە شارەزوور بوومەلەرزەیەک بە گوڕی 2.5 پلەی ڕێختەر ڕووی دا و هیچ زیانی نەبوو.

 

چیرۆکی سەرەکی: کاتژمێر 12:04 خولەکی نیوەڕۆی ئەمڕۆ، بوومەلەرزەیەک لە شارەزوور ڕووی دا و چەقی بوومەلەرزەکە نۆ کیلۆمەتر لە قەزای شارەزوور دوور بوو، لە هەندێ شوێنی ناوچەکە هەستی پێکراوە و بەهۆی کەمی گوڕەکەی هیچ زیانێکی لێنەکەتوووەتەوە.

 

زانیاریی پەیامنێر: ئاراس ڕەفیق، پەیامنێری ئاڤامیدیا لە هەڵەبجە گوتی: بوومەلەرزەکە لە هەندێ شوێن هەستی پێکراوە، بەتایبەت لە سەنتەری قەزای شارەزوور، بوومەلەرزەکەش هیچ زیانی نەبووە.

 

ڕاگەیێنراوی فەرمی: بەڕێوەبەرایەتیی گشتیی کەشناسی و بوومەلەرزەزانی هەرێمی کوردستان بڵاوی کردەوە: کاتژمێر 12:04 خولەک بوومەلەرزەیەک لە شارەزوور ڕووی دا کە چەقەکەی نۆ کیلۆمەتر لە قەزای شارەزوور دوور بووە، بوومەلەرزەکە بە قوڵی حەوت کیلۆمەتر و بە گوڕی 2.5 پلەی ڕێختەر ڕووی داوە.