مەسرور بارزانی لە یادی ئەنفالی بارزانییەکان: خەڵکی كوردستان، هەرگیز ئەم تاوانانەیان لەبیرناچێتەوە

ئاڤا نیوز

 

سەرۆکوەزیران مەسرور بارزانی لە یادی 42 ساڵەی ئەنفالی بارزانییەکان پەیامێکی بڵاو کردەوە و دەڵێت، خەڵکی كوردستان، هەرگیز ئەم تاوانانەیان لەبیرناچێتەوە.

 

وێنە گەورەکە: 31ـی تەممووزی 1983، ڕژێمی بەعس لە هەڵمەتێکی ڕێکخراودا، هەشت هەزار بارزانی لە مێردمنداڵ، گەنج، پیاو و بەساڵاچوو لە کۆمەڵگە زۆرەملێکانی قوشتەپە، بەحرکە، دیانا و هەریر دەستگیر کرد. دواتر بە شێوەیەکی کۆمەڵ ئەوانی بۆ بیابانەکانی باشووری عێراق گواستەوە و لەوێ بە زیندوویی زیندەبەچاڵ کران.

 

‏ڕاگەیێنراوی فەرمی: سەرۆکوەزیران مەسرور بارزانی ڕایگەیاند، دەبێ نەوە لەدوای نەوە،  بزانن کە کوردستان بە گشت پێکهاتەکانیەوە، قوربانییەکی زۆری بۆ پاراستنی ناسنامە و مافەکانی داوە و دەستبەرداریان نابێت.

 

بە تەنیشت ئەم بابەتەوە: سەرەڕای ئەوەی دادگای باڵای تاوانەکانی عێراق ئەم تاوانەی وەک جینۆساید ناساندووە، بەڵام تاکو ئێستا حکومەتی فیدراڵی هیچ هەنگاوێکی کرداریی بۆ قەرەبووکردنەوەی مادی و مەعنەویی کەسوکاری قوربانییەکان نەناوە. لەم بارەیەوە، وەزارەتی کاروباری شەهیدان و ئەنفالکراوانی هەرێمی کوردستان جەخت دەکاتەوە کە لە هەوڵەکانیان بەردەوامن بۆ بەدەستهێنانی مافی قوربانییان لە بەغدا.