ترەمپ بۆ کەنەدا: ئەگەر دان بنێن بە دەوڵەتی فەلەستین ڕێککەوتی بازرگانی لەگەڵتان قورس دەبێت

ئاڤا نیوز

 

سەرۆکی ئەمریکا لەبارەی پشتیووانی کەنەدا بۆ داننان بە دەوڵەتی فەڵەستین هۆشداری دەداتە ئەو وڵاتە و دەڵێت، پشتیووانییەکانی کەنەدا بۆ دەوڵەتی فەلەستین، ڕێککەوتنی بازرگانی "زۆر قورس" دەکات.

 

وێنە گەورەکە: ڕۆژی چوارشەممە 30-7-2025، ژان نۆیل بارۆ، وەزیری دەرەوەی فەرەنسا ڕایگەیاند، فەرەنسا و 14 وڵاتی دیکە لەوانە: کەنەدا و ئوسترالیا داوایان لە وڵاتانی دیکە کردووە نیازی خۆیان بۆ دانپێدانانی دەوڵەتی فەڵەستین ڕابگەیەنن.

 

لێدوانی فەرمی: دۆناڵد ترەمپ، سەرۆکی ئەمریکا، ڕایگەیاند، کەنەدا تازە ڕایگەیاندووە، پشتگیری لە دامەزراندنی دەوڵەتی فەلەستین دەکات، ئەمەش وامان لێدەکات زۆر  قورس بێت کە گرێبەستێکی بازرگانییان لەگەڵ بکەین.

 

لەلایەکی دیکەوە: ئیسرائیل بەهەمان شێوە نیازی کەنەدای بۆ دانپێدانانی دەوڵەتی فەڵەستین ئیدانە کرد و ڕاگەیاندنی مارک کارنی، سەرۆکوەزیرانی کەنەدای بە هەڵمەتێکی فشاری نێودەوڵەتی و  شێواو وەسف کرد.