کوڕە پوورێکی ئەسەد و سێ بەرپرسی پێشووی سووریا لێکۆڵینەوەیان لەگەڵ دەکرێت

ئاڤا نیوز

 

چوار بەرپرسی دیاری سەردەمی دەسەڵاتی بەشار ئەسەد ڕەوانەی دادوەری لێکۆڵینەوەی سووریا دەکرێن تاوەکوو لێکۆڵینەوەیان لەگەڵ بکرێت سەبارەت بە ئەنجامدانی تاوانە گوماناوییەکانیان دژی گەلی سووریا.

 

وێنە گەورەکە: وەزارەتی دادی سووریا چوار بەرپرسی پێشووی سەردەمی دەسەڵاتی بەشار ئەسەد، سەرۆککۆماری لابردراوی سووریا ڕەوانەی لێکۆڵینەوە دەکات کە بریتین لە؛ ئەحمەد بەدرەدین حەسوون، موفتیی پێشوو و عاتیف نەجیب، سەرۆکی پێشووی لقی ئاسایشی سیاسی لە پارێزگای دەرعا کە دەکاتە کوڕە پووری بەشار ئەسەد و محەممەد ئیبراهیم ئەلشەععار، وەزیری پێشووی ناوخۆ و ئیبراهیم حوێجە.

 

ڕاگەیێنراوی فەرمی: وەزارەتی دادی سووریا ڕایگەیاند، ئەم هەنگاوە لە چوارچێوەی هەوڵە بەردەوامەکاندایە بۆ دادگایی کردنی ئەنجامدەرانی تاوانەکان دژی گەلی سووریا لە سۆنگەی جێبەجێکردنی دادپەروەری.

 

زانیاریی زیاتر: داواکاریی گشتی داوای لە هەموو ئەو کەسانە کردووە کە زیانیان بەرکەوتووە و خێزانەکانیان یان هەر کەسێک بەڵگە، ئیفادە یان زانیاریی لەسەر پێشێلکارییانەکان هەیە، بیخەنەڕوو بۆ ئەوەی بیخەنە ناو دۆسیەی لێکۆڵینەوەکانەوە، هاوکات داوای لە ڕێکخراوەکانی مافەکانی مرۆڤ و ڕێکخراوە پەیوەندارەکان کرد هەر "دۆسیە و بەڵگەنامەیەک لەبەردەستیاندایە کە یارمەتیدەر بێت لە ئاشکراکردنی ڕاستییەکان" پێشکەشی بکەن.