نزیکەی سێ ملیۆن هاووڵاتی لە پڕۆژەی ڕووناکی سوودمەند دەبن

لەچوارچێوەی پرۆژەی ڕووناكیی، كارەبای 24 كاتژمێری گەیێندراوەتە زیاتر لە دوو ملیۆن و 700 هەزار هاووڵاتی كە دەكاتە نزیكەی 40%ـی دانیشتوانی هەرێمی كوردستان.

وێنە گەورەکە: ئێستا زۆرینەی هاووڵاتییانی سەنتەری شارەكانی هەولێر، دهۆك و سلێمانی، دەستیان دەگات بە كارەبای 24ـی كاتژمێری، هەنگاوی داهاتوو پرۆژەكە دەگاتە شار و شارۆچكە و ناوچە جیاجیاكانی دیكەی هەرێمی كوردستان.

 

ڕاگەیێنراوی فەرمی: وەزارەتی کارەبا ڕایگەیاند: بەپێی دوایین ئامار كە دەست ئاڤا میدیا كەوتووە؛ لە هەولێر، ملیۆنێك و 458 هەزار هاووڵاتی سوودمەند بوونە لە سلێمانی، سەرووی 976 هەزار هاووڵاتی و لە دهۆك 288 هەزار هاووڵاتی سوودمەند بوونە، كۆی گشتی سوودمەندبووان دوو ملیۆن و 722 هەزار و 500 كەسە، هاوكات 716 هەزار هاوبەش ئێستا كارەبای پرۆژەی ڕووناكی بەكاردەهێنن.

 

هەر بەهۆی پرۆژەی ڕووناكی دوو هەزار و 517 موەلیدە كوژاونەتەوە كە هاوتای گازی ژەهراویی 436 هەزار ئۆتۆمبێلە.

 

باکگراوند: مانگی شترینی دووەمی ساڵی ڕابردوو، مەسرور بارزانی، سەرۆكی حكومەتی هەرێمی كوردستان، پرۆژەی ڕووناكیی 24 كاتژمێری ڕاگەیاند، تا كۆتایی ساڵی 2026، تەواوی هاووڵاتیانی هەرێمی كوردستان لە پرۆژەكە سوودمەند دەبن.