دواى به‌دواداچوونی ئاڤا منداڵێكی تووشبووی ئۆتیزم هاوكاریی ده‌كرێت

ئاڤا نیوز

دوای گێڕانەوەی چیرۆکی ناخهەژێنی مامۆستایەکی هەولێر کە بەهۆی منداڵێکی ئۆتیزمەوە لە ژیانێکی ناهەمواردایە، لەلایەن خێرخوازێکەوە هاوکاری دەکرێت.

چیرۆکی سەرەکی: دوای ئەوەی لە گەشتی هەواڵەکانی سەعات حەوتی ئاڤا میدیا، چیرۆکی گەنجێک گێڕدرایەوە کە خاوەن منداڵێکی ئۆتیزمە و بەهۆی ئەوەی شەش ساڵە لەو دۆخە سەختە دایە، ئێستا هاوسەرەکەشی لێی جیابووەتەوە و پێی گوتووە کە من تەحەموولی ئەو دۆخە ناکەم. 

زانیاریی زیاتر: محەممەد سەرەڕای ئەوەی هاوسەرەکەی لەگەڵی نەماوە، بەهۆی ئەمەوە وازی لە پیشەی مامۆستای هێناوە و تەواو خۆی تەرخان کردووە بۆ ئەو منداڵە. 

ئەمەش بزانە: خێرخوازێک لە ڕێگەی ئاڤاوە بەڵێنی داوە کە منداڵەکە بەرێتە باشترین سەنتەری ئۆتیزم و کرێی نۆ مانگی چارەسەریشی گرتووەتە ئەستۆ.