تێکشکانی یارییەک لە سعودییە برینداربوونی دەیان کەسی لێدەکەوێتەوە

ئاڤا نیوز

زیاتر لە 23 کەس بەهۆی تێکشکانی یارییەک لە سعودییە برینداربوون و حاڵەتی فریاکەوتن لەنەخۆشخانەکانی شاری تائیف ڕاگەیێنرا.

چیرۆکی سەرەکی: لە گرتە ڤیدیۆیەکدا، کە بەشێوەیەکی فراوان لەتۆڕە کۆمەڵایەتییەکان بڵاوکراوەتەوە، ژمارەیەک گەنج لەنێو یارییەکەدان کە بەیاری 360 پلە ناسراوە، لەپڕ  باڵی سەرەوەی یارییەکە دەشکێت و یارییەکە بەسەر زەویدا دەکەوێتە خووارەوە،  لە ئاکامدا 23 کەس برینداربوون بەشێکیشیان برینەکانیان سەختە.

زانیاریی بەدەستهاتوو: ئەم ڕووداوە لەشاری تائیفی سعودییە ڕوویداوە، لە دوای ڕووداوەکەشەوە بەشێک لە نەخۆشخانەکانی تائیف حاڵەتی فریاکەوتنیان  ڕاگەیاندووە.

زانیاریی زیاتر: لایەنە ئەمنییەکانی پارێزگای تائیف، دوای ڕووداوەکە دەستیان بە لێکۆڵینەوەیەکی بەپەلە کردووە بۆ ئاشکراکردنی هۆکار و وردەکارییەکانی ئەو ڕووداوە.