کارمەندانی بەرگری و ناوخۆ لە سەرەگرتنی ئەلیکترۆنی دەبەخشرێن

ئاڤا نیوز

 

بە بڕیاری سەرۆکوەزیرانی عێراق، سەرجەم کارمەندانی وەزارەتەکانی بەرگری و ناوخۆ لە سیستمی سەرەگرتنی ئەلیکترۆنی پێشوەختە دەبەخشرێن.

 
چیرۆکی سەرەکی: بەپێی بەڵگەنامەیەک، پەرلەمانتارێکی عێراق بە نووسراوی فەرمی داوای لە سەرۆکوەزیرانی عێراق کردووە، کارمەندانی وەزارەتەکانی بەرگری و ناوخۆ لە سیستمی سەرەگرتنی ئەلیکترۆنی پێشوەختە ببەخشرێن ئەمەش وەک ڕێزگرتنێک بۆ ئەو قوربانیانەی کە لەپێناو نیشتماندا داویانە.

 
زانیاری بەدەستهاتوو: لەسەر هەمان داواکاری، سوودانی ڕەزامەندی داوە  بۆ بەخشینی کارمەندانی وەزارەتی بەرگری و ناوخۆ (ئەفسەر و کارمەند) لە سیستمی سەرەگرتنی ئەلیکترۆنی، بەمەرجێک ئەم ڕێکارە نەبێتە ڕێگر لەبەردەم پێشکەشکردنی خزمەتی زیاتر.

 

ئەوەی پێویستە بیزانیت: سیستمی سەرەگرتنی ئەلیکترۆنی تایبەتە بە مۆڵەتی شۆفێری، کارتی نیشتمانی، پاسپۆرتی ئەلیکترۆنی و مامەڵەی خانووبەرە لە هەموو فەرمانگەکانی دەوڵەتدا.