لە تورکیا 26 کەس بە تۆمەتی ئەندامبوون لە ڕێکخراوی داعش دەستگیر کران

ئاڤا نیوز

 

لە ئۆپەراسیۆنێکی هێزە ئەمنییەکانی تورکیا بۆ سەر شانە نهێنییەکانی داعش  کە لە 14پارێزگادا بەڕێوەچوو، 26 گومانلێکراو دەستگیر کران.

 

لێدوانی فەرمی: عەلی یەرلیکایە، وەزیری ناوخۆی تورکیا لە تۆڕی کۆمەڵایەتیی "ئێکس" بڵاوی کردەوە، چەندین کەسیان دەستگیر کردووە کە ئەندامی ڕێکخراوی تیرۆریستی داعش بوون و یان پروپاگەندەیان بۆ کردووە و بەشێکیشیان یارمەتی دارایی ڕێکخراوەکەیان داوە.

 

ئەوەی پێویستە بیزانیت: بە گوتەی یەرلیکایە، ئۆپەراسیۆنەکە لە ئەنقەرە و ئیستەنبووڵ و بە گشتی لە 14 پارێزگادا بەڕێوەچووە، توانراوە 26 کەس دەستگیر بکەن و دەست بەسەر ژمارەیەکی زۆر بەڵگەنامەی ڕێکخراوەیی و کەلوپەلی دیجیتاڵیدا بگرن.