لە فەرمانگەیەکی بەغدا کچێک تەنیا لەبەر ئەوەی ناوی عائیشەیە مامەڵەکەی پەکدەخرێت

ئاڤا نیوز

لە عێراق ژینگەیەکی مەزهەبی سەخت دروستکراوە و ئەوەش هەردەم ئاشتی کۆمەڵایەتی دەخاتە مەترسییەوە، لە بەغدا، ئافرەتێک چووەتە فەرمانگەیەک تەنیا لەبەرئەوەی ناوی عائیشە بووە، مامەڵەکەیان پەکخستووە و وتوویانە "ناو بڕابوو ئەوە نەبێت".

بینراو و بیستراو: لە تۆڕە کۆمەڵایەتییەکان ڤیدیۆی باوکێک بڵاوکراوەتەوە و دەڵێت، لە فەرمانگەی کارتی نیشیمانی مەدینە سەدری بەغدا لەسەر ناوی کچەکەی مامەڵەی نەشیاوی لەگەڵدا کراوە و کارمەندی فەرمانگەکە پێی وتوو "چییە ناو بڕابوو و ناوێکی دیکە نەبوو" لە کچەکەتی بنێیت.

زانیاریی زیاتر: ئەو باوکە لەگەڵ کچەکەی کە خۆشیان شیعە مەزهەبن، ئاماژەی بەوەشکردووە، تەنیا لەسەر ناوی کچەکەی، مامەڵەکەیان پەکخستووە و بەشێوەیەکی نەشیاو مامەڵەی لەگەڵدا کراوە، پاساو و بیانووی سەیر و سەمەرەیان پێگرتووە تا ئەو کاتەی بەشێکی دیکە لە کارمەندەکان لە بابەتەکە ئاگاداربوون و کێشەیان بۆ چارەسەر کردووە.

ئەوەی پێویستە بیزانیت: ڕقی شیعەکان لە عائیشەی خێزانی پێغەمبەر و کچی ئیمامی ئەبوبەکر بۆ ئەو شەڕە دەگەڕێتەوە کە پاش شەهیدکردنی ئیمامی عوسمان، لە ساڵی 36ـی کۆچی لەنێوان سوپای عائیشە و سوپای ئیمامی عەلیدا ڕوویدا، لەو شەڕەدا هەرچەندە سوپای ئیمامی عەلی سەرکەوت، بەڵام هەزاران هاوەڵ و باوەڕدار لە هەردوولا کوژران.