ژمارەی گیانلەدەستدانی کۆچبەرانی بەلەمەکەی یەمەن بۆ 68 کەس بەرزبووەوە

ئاڤا نیوز

ڕێکخراوی کۆچی نێوەدەوڵەتی ڕایگەیاندووە کە ژمارەی گیانلەدەستدانی ئەو کۆچبەرانەی بەهۆی نقوومبوونی بەلەمێک لە کەناراوەکانی یەمەن گیانیان لەدەستدا بەرزبووەوە بۆ 68 کەس و بەدەیان کەسی دیکە بێ سەرو شوێنن.

چیرۆکی سەرەکی: بەلەمێکی کۆچبەران بە 157 سەرنشینەوە لەکەناراوەکانی یەمەن نقووم بوو، بەپێی ئامارە سەرەتاییەکان ڕاگەیێنرا 27 کەس گیانیان لەدەستداوە، بەڵام بەرەبەیانی ئەمڕۆ ژمارەکەیان بۆ 68 سەرنشین بەرزبووەوە.

ڕاگەیێنراوی فەرمی: عەبدولستار عیسیوف، سەرۆکی ڕێکخراوەی کۆچی نێوەدەوڵەتی لە یەمەن بە ئاژانسی فرانس پرێسی ڕایگەیاند، لەو 157 سەرنشینە توانراوە تەنیا 12کەسیان ڕزگاربکرێت، ئەوانی تر هێشتا بێ سەروشوێنن.

ژمارەکان وادەڵێن: بەگوێرەی ئاماری ڕێکخراوی کۆچبەری نێودەوڵەتی، تەنیا لە ساڵی 2024ـدا 60 هەزار و 900 کۆچبەر ڕوویان لەو وڵاتە کردووە.