ڕێکخراوێکی تایبەتمەند: ژمارەی منداڵانی بێ دایباب لە عێراق زیادی کردووە

ئاڤا نیوز

دامەزراوەی عەین کە تایبەتە بە یارمەتیدانی منداڵانی بێ دایباب لە عێراق ئاشكرای کرد، ئاماری منداڵانی بێ دایباب و بێ سەرپەرشت لە شارەکانی عێراق زیادبوونی بەرچاوی بەخۆیەوە بینیوە، بەجۆرێک تەنیا ئەو منداڵانەی لە دامەزراوەکە تۆمارکراون سەد هەزاری تێپەڕاندووە.

ڕاگەیێنراوی فەرمی: دامەزاروەی عەین بۆ چاودێریی کۆمەڵایەتی لە عێراق ڕایگەیاندووە، کۆی ژمارەی منداڵانی بێ دایباب دامەزراوەکەوە لەخۆیگرتوون لە سەرتاسەری وڵاتدا گەیشتووەتە 103 هەزار منداڵ.

هۆکارە زانراوەکان: لەئەنجامی تووندوتیژی تائیفی و شەڕی داعش و گیانلەدەستدانی زۆرێک لە خەڵکی سڤیل و ئەندامانی هێزە ئەمنییەکان، ژمارەی منداڵانی بێ دایباب لە عێراق لەم ساڵانەی دواییدا بەشێوەیەکی بەرچاو زیادی کردووە.

ئەوەی پێویستە بیزانیت: بەگوێرەی نەتەوە یەکگرتووەکان ژمارەی منداڵانی بێ ناز لە عێراق بە نزیکەی پێنج ملیۆن مەزەندە دەکرێت کە دەکاتە 5%ـی منداڵانی بێ باوک لە جیهاندا، زۆرینەی ئەو منداڵانە لە تۆمارەکانی حکومەتدا تۆمار نەکراون و ڕووبەڕووی هەژاری و بێ ماڵ و حاڵی بوونەتەوە.