بڕیارێکی نوێ بۆ قەرەبووکردنەوەی دووکاندارانی لەنگە دەدرێت

ئاڤا نیوز

 

بڕیارێکی دیکە لە بەرژەوەندیی دووکاندارە زیانلێکەوتووەکانی بازاڕی لەنگە درا و سەرجەمیان لە باج دەبەخشرێن.

 

ڕاگەیێنراوی فەرمی: "پارێزگاری هەولێر و بەرپرسانی شارەکە كۆبوونه‌وه‌یه‌كی تایبه‌تیان لەبارەی هاوکاری و یارمەتیدانی کاسبکار و دووکاندارانى زیانلێکەوتووى بازاڕى لەنگە کرد و بڕیاریاندا بۆ ساڵی داهاتوو لە باج ببەخشرێن". پارێزگای هەولێر ڕایگەیاندووە.

 

بڕیاری فەرمی: سەرجەم ئەو دووکانانەی بازاڕى لەنگە کە بەهۆى ئاگرکەوتنەوە زیانیان بەرکەوتووە، 30% بۆ ساڵى 2023 و 100% بۆ ساڵی 2024 لە وەرگرتنى باج دەبەخشرێن.

 

ئەوەش بزانە: دوای ئاگرەکە، حکومەتی هەرێمی کوردستان بڕیاریدا لە کرێی ساڵانە و باجی شەش مانگی کۆکردنەوەی خۆڵ و خاشاکی دووکانداران خۆش بێت، بەڵام لە بەرژەوەندیی ئەو دووکاندارانە بڕیارێکی دیکەشی دا و لە باج دەبەخشرێن.