لە گوندێکی سنووری بازیان شەڕ و ئاڵۆزی لەنێوان دوو بنەماڵە ڕوویدا

ئاڤا نیوز

ماوەی چەند ڕۆژێکە لە گوندێکی سنووری بازیان شەڕ و ئاڵۆزی دروست بووە، دەزگای ئەمنییەکانی سلێمانیش لەمبارەیەوە قسەیان بۆ ئاڤا کردووە.

چیرۆکی سەرەکی: ماوەی چوار ڕۆژە لە گوندی 'بی بیجەک' لە سنووری قەزای بازیان، شەڕ و ئاڵۆزی لە نێوان دوو بنەماڵەی ناوچەکە دروست بووە، تاوەکو ئێستا کێشەکەیان بۆ چارەسەر نەکراوە.

لە قەزای بازیان هێزێکی لە سنووری سلێمانی چوونەتە سەر زەوی و زاری گوندێک و دەیانەوێت دەستی بەسەردابگرن، ئێستا ژمارەیەک لە ئەندامانی ئەو عەشیرەتەی لەو گوندە نیشتەجێن بە چەكەوە ڕووبەڕووی هێزی ئۆپەراسیۆنی ئاسایشی یەكێتیی وەستاون و دۆخەكە ئاڵۆزە.

زانیاریی بەدەستهاتوو: بە گوێرەی زانیارییەکان یەکێتیی ژمارەیەک هێزی سەربازی بەرەو ئەو ناوچەیە جووڵە پێکردووە، لەبەرامبەردا خەڵکی گوندەکە هۆشدارییان داوە لە دروستبوونی گرژی زیاتر. 

لێدوانی فەرمی: عەقید سەلام عەبدولخالق، وتەبێژی دەزگای ئاسایشیی هەرێم، لەمبارەیەوە بە ئاڤای ڕاگەیاند: ئەم بابەتە لای ئێمە نییە، بەڵکو لای پۆلیسە.

لەلایەکی دیکەوە: سەرکەوت ئەحمەد، وتەبێژی بەڕێوەبەرایەتیی پۆلیسی سلێمانی، بە ئاڤا میدیای ڕاگەیاند: بەدواداچوون بۆ ئەو بابەتە دەکەین و تاوەکو ئێستا هیچ بابەتێکی دیاریکراومان لا نییە. 

زانیاری تایبەت: بەگوێرەی ئەو زانیارییانەی دەست ئاڤا کەوتووە، بڕیاربوو کاتژمێر 11:00ی پێشنیوەڕۆی ئەمڕۆ دووشەممە، بە سوڵحی عەشایەری کێشەی نێوان ئەو دوو بنەماڵەیە چارەسەر بکرێت، بەڵام سوڵحەکە نەکراوە، بەوهۆیەشەوە شەڕ و ئاڵۆزی دروست بووە و هێزە ئەمنییەکانی سنوورەکەش هەوڵی هێورکردنەوەی دۆخەکەیان داوە.