پڕۆژەی سەلامەتی هاتووچۆ ڕادەگەیێنرێت

ئاڤا نیوز

پڕۆژەیەکی گرنگ لە پێناو سەلامەتی هاتووچۆدا بە ناونیشانی 'سەبر بهاژۆ' لە هەرێمی کوردستان بە ئامانجی بەرزکردنەوەی هۆشیاری تاکەکانی کۆمەڵگە ڕادەگەیێنرێت.

بابەتی سەرەکی: بڕیارە لەنێو ئەم مانگەدا پڕۆژەی سەلامەتی هاتووچۆ بەناونیشانی 'سەبر بهاژۆ'، لەلایەن وەزارەتی ناوخۆی حکومەتی هەرێمی کوردستان ڕابگەیێنرێت، لەم پڕۆژەیەدا زیاتر تیشک دەخرێتە سەر ڕێگاوبان و کوالێتی ئۆتۆمبێل و هۆشیاری هاتووچۆ.

زانیاریی زیاتر: ئامانجی پڕۆژەکە بەرزکردنەوەی هۆشیاری تاکەکانی کۆمەڵگەیە، لەبارەی چۆنیەتی بەکارهێنانی ئۆتۆمبێل و پاراستنی سەلامەتی و کەمکردنەوەی ڕووداوەکانی هاتووچۆ، هەروەها کەمکردنەوەی ژمارەی قوربانیانی هاتووچۆ.

زانیاریی بەدەستهاتوو: پڕۆژەی سەلامەتی هاتووچۆ لەم بەشانە پێکهاتووە؛ کەمپینی هۆشیاری میدیایی و سۆشیاڵ میدیا، چالاکییەکانی نێو کۆمەڵگە، کۆنفرانس و توێژینەوەی زانستی و بۆنەکان، پڕۆگرامی ڕاهێنان و پەروەردەیی بۆ شۆفێرانی ماتۆڕی گواستنەوە.

ئەوەی پێویستە  بیزانیت: پڕۆژەی سەلامەتی هاتووچۆ لە مانگی ئاب دەستپێدەکات، تاوەکو مانگی کانوونی یەکەم بەردەوام دەبێت، واتە پێنج مانگ دەخایەنێت.