بە هەوڵی ئاڤا میدیا شەش گەنجی کورد لە لیبیا دەگەڕێنرێنەوە کوردستان

ئاڤا نیوز

بە هەوڵی ئاڤا میدیا لە ڕۆژانی داهاتوودا ئەو شەش گەنجە کوردەی لە لیبیا دەستگیر کراون، دەگەڕێنرێنەوە هەرێمی کوردستان.

وێنە گەورەکە: لیبیا بووە بە یەکێک لە ڕێڕەوەکانی گەیشتن بە وڵاتانی ئەورووپا بە ڕێگەی نایاسایی، بەشێک لە گەنجانی کوردستان و وڵاتانی دیکەی ناوچەکە بۆ گەیشتن بە کەناراوەکانی ئیتاڵیا ڕێگای ئەو وڵاتە بەکاردەهێنن، بەڵام لەو وڵاتە لەلایەن هێزە ئەمنییەکان دەستگیر دەکرێن و ڕووبەڕووی دۆخی نەخوازراو و ئەشکەنجەدانیش دەبنەوە.

چیرۆکی سەرەکی: پێنج گەنجی خەڵکی چوارقوڕنە و گەنجێکی دۆڵی شاورێ لە سنووری قەزای ڕانیە، ڕۆژی دووشەممە 8-7-2025 لە فڕۆکەخانەی هەولێرەوە بەرەو عەممانی ئوردن بەڕێکەوتوون، لەوێشەوە چوونەتە بەنغازی لە لیبیا، ڕۆژی دووشەممە 21-7-2025، ویستویانە لە بەنغازییەوە بڕۆنە تەرابلوس، بەڵام هەر لە بەنغازی دەستگیر کراون.

زانیاریی زیاتر: تەواوی ڕێکارەکانی تایبەت بە ئازادکردن و گەڕانەوەی ئەو گەنجانە کراوە، تەنیا بلیتی فڕۆکە ماوە بۆیان دابین بکرێت، لە نزیکترین کاتدا بلیتیان بۆ دەبڕدرێت و دەگەڕێنرێنەوە هەرێمی کوردستان.

گۆشەیەکی دیکەی دیمەنەکە: پێشتر ئاڤا میدیا زانیارییەکانی گەیاندە فەرمانگەی پەیوەندییەکانی دەرەوەی حکومەتی هەرێمی کوردستان و هەوڵەکانی فەرمانگەکە بۆ گەڕانەوەی ئەو گەنجانە دەستیپێکرد.