سەرۆكی هەرێمی كوردستان و باڵیۆزی بەریتانیا لە عێراق كۆبوونەوە

ئاڤا نیوز

سەرۆكی هەرێمی كوردستان و باڵیۆزی بەریتانیا لە عێراق، هەڵبژاردنی پەرلەمانی كوردستان و پەیوەندییەكانی نێوان هەولێر و بەغدایان تاوتوێ كرد.

چیرۆكی سەرەكی: نیوه‌ڕۆی ئه‌مڕۆ چوارشه‌ممه‌ 2024/3/27، نێچیرڤان بارزانی، سه‌رۆكی هه‌رێمی كوردستان، له‌ كۆبوونه‌وه‌یه‌كدا له‌گه‌ڵ ستیڤن هیچن باڵیۆزی به‌ریتانیا له‌ عێراق، هه‌ڵبژاردنی په‌رله‌مانی كوردستان، دۆخی ناوخۆی هه‌رێمی كوردستان و په‌یوه‌ندییه‌كانی هه‌ولێر ـ به‌غدایان تاوتوێ كرد.

بابەتی ستراتیژی: هه‌ردوولا جه‌ختیان له‌ گرنگیی ئه‌نجامدانی هه‌ڵبژاردن كرده‌وه‌ و باسیان له‌ هه‌ستیاریی دۆخه‌كه‌ و پێویستیی چاره‌سه‌ركردنی كێشه‌ و ناكۆكییه‌كانی نێوان لایه‌نه‌ سیاسییه‌كان كرد بۆ به‌ره‌نگاربوونه‌وه‌ی ئاڵنگارییه‌كان، هه‌روه‌ها هاوڕا بوون كه‌ كێشه‌كانی هه‌ولێر ـ به‌غدا به‌ دیالۆگ و له‌سه‌ر بنه‌مای ده‌ستوور و پاراستنی مافه‌كانی هه‌مووان چاره‌سه‌ر بكرێن.

لەلایەكی دیكەوە: دوایین پێشهاته‌كانی دۆخی ناوچه‌كه‌ و چه‌ند پرسێكی دیكه‌ی جێی بایه‌خی هه‌ردوولا، ته‌وه‌رێكی دیكه‌ی كۆبوونه‌وه‌كه‌ بوو.

وێنە گەورەكە: پارتی دیموكراتی كوردستان لە شێوازی بەڕێوەچوونی هەڵبژاردنی پەرلەمانی كوردستان ناڕازییە و چەند داواكارییەكی پێشكەش كردووە.

باكگراوند: بەپێی بڕیاری سەرۆكایەتی هەرێمی كوردستان ڕۆژی 10-6-2024 هەڵبژاردنی پەرلەمانی كوردستان بەڕێوەدەچێت.