ئەمریكا هەلی بەهێزتركردنی پەیوەندیی ئاسایشيی بە عێراق دەدات

ئاڤا دیجیتاڵ

دوای ئەوەی دووشەممەی ڕابردوو ئێران هێرشی ئاسمانیی كردە سەر هەرێمی كوردستان و سووریا، دوێنێ سێشەممە بەرپرسێكی باڵای ئەمریكی لەگەڵ سەرۆكوەزیرانی هەرێمی كوردستان و سەرۆكوەزیرانی عێڕاقدا كۆ بووەوە و هەلی بەهێزتركردنی پەیوەندیی ئاسایش و هاوكاریی بە عێراق دا.

درێژەی هەواڵ: دوێنێ جەیك سولیڤان، ڕاوێژكاری ئاسایشی نەتەوەیی ئەمریكا لەژێر كارگێڕیی سەرۆك بایدندا، لەگەڵ سەرۆكوەزیران مەسرور بارزانی و سەرۆكوەزیرانی عێڕاق محەمەد شیاع سودانیدا لە داڤۆس كۆ بووەوە و لە بارەی  هێرشەكەی ئێران بۆ سەر هەرێمی كوردستان و سوریا  گفتوگۆیان كرد.

لێدوانی فەرمی: كۆشكی سپی ڕایگەیاند " جەیك سولیڤان و سودانی لە بارەی گرنگیی وەستاندنی هێرشەكانی ئێران بۆ سەر كەسێتییە ئەمریكییەكانی عێراق و سوریا گفتوگۆیان كرد و هەوڵ دەدەن بۆ ماوەیەكی درێژخایەن هاوكاریی ئاسایشی یەكتر بكەن و پێكەوە پەیوەندییەكی پتەو ببەستن".

باكگراوند: ڕۆژی سێی كانوونی دووەم، ئاپۆرایەك لە نزیك گۆڕی قاسم سلێمانی، فەرماندەی هێزی قودسی سوپای پاسدارانی كۆماری ئیسلامیی ئێران، لە شاری كرمان لە ئێران كۆ بوونەوە و یادی كوشتنەكەیان كردەوە، بەڵام بۆمبێكی خۆكوژیی داعش پێیاندا تەقییەوە و زیاتر لە 90 كەسی كوشت.

ئێرانیش لە تۆڵەی ئەم كارەدا هەڵیكوتایە سەر هەولێری پایتەختی هەرێمی كوردستان و سوریا و ماڵی خەڵكی سڤیلی كردە ئامانج، بەڵام وایان ڕاگەیاند كە لە تۆڵەی تەقینەوەكەی كرمانداپێگەی هەواڵگریی ئیسرائیل و داعشیان بە ئامانج گرتووە، بەڵام بەهۆی هێرشەكەی ئێران كە دووشەممەی ڕابردوو بوو پێنج كەس گیانیان لەدەستدا و شەش كەسی دیكەش برینداربوون.

ئەوەی پێویستە بیزانیت: كۆمەڵگەی نێودەوڵەتی ئەم هێرشانەی ئێرانیان سەركۆنە كرد، عێراقیش ئەم هێرشانەی سەركۆنە كرد و ڕووبەڕووی ئەو تۆمەتانەی ئێران وەستایەوە كە دەڵێت "ئامانجی هەواڵگریی ئیسرائیلییان لە كوردستان پێكاوە".