كەشناسی: ئەمڕۆ پلەكانی گەرما دوو پلە نزم دەبنەوە

ئاڤا نیوز

بەڕێوەبەرایەتیی كەشناسی و بوومەلەرزەزانیی هەرێمی كوردستان ئاشكرای دەكات، ئەمڕۆ پلەكانی گەرما كەمێك دادەبەزن و سبەیش هاوشێوەی ئەمڕۆ دەبێـت.

ڕاگەیێنراوی فەرمی: كەشناسیی هەرێمی كوردستان ڕاگەیاند: ئەمڕۆ هەینی 8-8-2025، ئاسمان ساماڵ دەبێت و بە گشتیی پلەكانی گەرما دوو پلە بەراورد بە دوێنێ نزم دەبنەوە، سبەیش پلەكانی گەرما هاوشێوەی ئەمڕۆ دەبن.

لێدوانی فەرمی: شێخ دارا، پێشكەشكاری كەشوهەوای ئاڤا ڕایگەیاند: گۆڕانكارییەكانی ژینگە هێندە نامۆ و خێران لە 10-7 تاوەكوو ئێستا بەرزبوونەوەی پلەكانی گەرمای گۆی زەوی بە شێوەیەكە كە بەپێی گوتەی شارەزایان لە 400 ساڵی ڕابردوو نموونەی نەبووە، بەڵام بەشێوەیەكی گشتی بەراورد بە باشوور و ناوەڕاستی عێراق، پارێزگاكانی هەرێمی كوردستان فێنكترن و شەپۆلی خۆڵبارینیان كەمترە.

زانیاریی زیاتر: بەپێی ڕاگەیێنراوی كەشناسیی هەرێمی كوردستان، ئەمڕۆ بەرزترین پلەی گەرما لە كەركووك تۆمار دەكرێـت كە 45 پلەیە و نزمترینیش لە حاجی ئۆمەرانە كە 35 پلەی سیلیزییە.