بەرگریی شارستانی: ئاگرەكەی ڕێگەی قوشتەپە لە هەولێر ڕێگری لە تەشەنەكردنی كراوە

ئاڤا نیوز

 

ئەو ئاگرەی لە کارگەیەکی کلێنس لە هەولێر کەوتەوە، سێ کارگەی دیکەی گرتووەتەوە، گوتەبێژی بەرگریی شارستانی هەولێر دەڵێت 10 تیم سەرقاڵی كۆنترۆڵكردنین و ڕێگەیان لە تەشەنەكردنی گرتووە.

چیرۆکی سەرەکی: نزیکەی كاتژمێر 6:48 خولەكی ئەمشەو لەڕێگەی قوشتەپە لە نزیک گوندی مورتکە لە هەولێر کارگەیەکی کلێنس گڕیگرت و بەهۆی تەشەنەکردنی ئاگرەکەوە سێ کۆگا و کارگەی دیکەش گڕیانگرت.

زانیاریی بەدەستهاتوو: ڕزگار کۆچەر، پەیامنێری ئاڤا نیوز گوتی: ئەو کارگەیەی سەرەتا گڕیگرت تەواو داڕماوە و بەهۆیەوە ئاگرەکە بۆ سێ کۆگا و کارگەی دیکە تەشەنەی کردووە.

 

 لێدوانی فەرمی: کاروان عەلی، گوتەبێژی بەرگریی شارستانی هەولێر بۆ ئاڤا نیوز گوتی: ئاگری کارگەی کلێنس لەڕێگەی قوشتەپە لە نزیک گوندی مورتکە لە هەولێر دووبارە تەشەنەی کردووەتەوە و پێنج کارگەی گرتووەتەوە "کۆی هەموویان شەش کارگەن"، بەڵام ئاگرەکە لەژێر کۆنتڕۆڵی تیمەکانە و تا ئێستا لە 70%ی کۆنتڕۆڵکراوە.

ئەوەی پێویستە بیزانیت: ئەو لە 30% یەی ماوە لە ماوەی کاتژمێرێک بۆ دوو کاتژمێری دیکە کۆنتڕۆڵی دەکەین؛ تیمەکانی بەرگری شارستانی بەردەوام لە شوێنی ڕووداوەکە دەبن بۆر ِێگری لە مەترسی دووبارە سەرهەڵدانەوەی ئاگرەکە.