وەزارەتی ناوخۆ: سێ ملیۆن سەردانیکەر سەردانی عێراقیان کردووە

ئاڤا نیوز

عەبدولئەمیر شەمەری، وەزیری ناوخۆی عێراق ڕایگەیاند، تا ئێستا زیاتر لە سێ ملیۆن سەردانیکەری بیانی ڕوویان لە عێراق کردووە بۆ "زیارەتی ئەربەعینیە".

وێنە گەورەکە: ساڵانە ملیۆنان موسڵمانی شیعەمەزهەب لە ناوخۆی عێراق و وڵاتانی جیهانەوە بەرەو شاری کەربەلا بەڕێدەکەون بۆ بەشداریکردن لە ڕێوڕەسمی چلەی ماتەمینی ئیمامی حوسێن کە یەکێکە لە گەورەترین بۆنە ئایینییەکانی موسڵمانانی شیعە لە جیهاندا کە 40 ڕۆژ دوای عاشورا بەڕێوەدەچێت.

ڕاگەیێنراوی فەرمی: شەمەری لە ڕاگەیێنراوێکی فەرمی دا ڕایگەیاندووە، "لە ماوەی چەند ڕۆژی ڕابردوودا بە مەبەستی بەشداریکردنی لە سرووتەکانی چلەی ماتەمینی ئیمامی حوسێن لە کەربەلا زیاتر لە سێ ملیۆن سەردانیکەری بیانی ڕوویان لە عێراق کردووە.