کارەبای پڕۆژەی ڕووناکی دەگاتە کەندێناوە

ئاڤا نیوز

پڕۆژەی ڕووناکی بەردەوامە لە فراوانکاری و دابینکردنی خزمەتگوزاریی کارەبای 24 کاتژمێری بۆ سەرجەم ناوچەکانی هەرێمی کوردستان، لەوچوارچێوەیەشدا کارەبای ئەم پڕۆژە ستراتیژییە دەگاتە ناحیەی کەندێناوە. 

وێنە گەورەکە: ڕووناکی یەکێکە لە پڕۆژە ستراتیژییەکانی کابینەی نۆیەمی حکومەتی هەرێمی کوردستان، کە ئامانج ئەوەیە تا کۆتایی ساڵی 2026 کارەبای هەموو کوردستان بکرێتە 24 کاتژمێری و کۆتای بە پچرانی کارەبا بێت.

ڕاگەیێنراوی فەرمی: بەڕێوەبەرایەتیی ناحیەی کەندێناوە، ڕایگەیاند: له‌ كاتژمێر پێنجی بەرەبەیانی ڕۆژی شەممە تاوەکو كاتژمێر پێنجی ئێواره‌ی هەمان ڕۆژ له‌ سنووری ناحیه‌ی دیبه‌گه‌ و كه‌ندێناوه‌ كاره‌با ده‌كوژێته‌وه‌ و تیمه‌كانی پڕۆژه‌ی ڕووناكی له‌ ناوچه‌كه‌ كاری ته‌كنیكی ده‌كه‌ن.


هاوکات داوا لە هاووڵاتییان دەکات ئارامییان هەبێت بۆ سەرکەوتنی پرۆسه‌كه‌ و دواتر هەموو لایەک لێی سوودمەند دەبن، بۆ ئەوەش کاروبار و پێدوایستییەکان لەکاتی بوونی کارەبای نیشتیمانی جێبەجێ بکەن و مۆلیدەی گەڕەکیش لەکاردا دەبن.