سەرۆکوەزیران بارزانی: داکۆکی لە هەڵبژاردنێکی پاک و دادپەروەرانە دەکەین

ئاڤا نیوز

سەرۆکوەزیران بارزانی، پێشوازی لە ستیڤن هیچن، باڵیۆزی بەریتانیا لە عێراق کرد؛ سەرۆکوەزیران بارزانی دووپاتی لە هەڵبژاردنێکی پاک و دادپەروەرانەی لە هەرێمی کوردستان کردەوە.

ڕاگەیێنراوی فەرمی: لە کۆبوونەوەکەی سەرۆکوەزیران بارزانی و ستیڤن هیچن، باس لە چەند تەوەرێک کرا؛ هەردوولا هاوڕابوون لەسەر گرنگی پاراستن و ڕێزگرتن لە قەوارەی دەستووری هەرێمی کوردستان و دابینکردنی ماف و شایستە داراییەکانی خەڵکی کوردستان.

ئەوەی پێویستە بیزانیت: تەوەرێکی گفتوگۆکان، تایبەت بوو بە هەڵبژاردنی پەرلەمانی کوردستان، لەمبارەیەوە سەرۆکوەزیران بارزانی داکۆکی لە ئەنجامدانی هەڵبژاردنێکی پاک و بێگەرد و یاسایی و دادپەروەرانە کردەوە کە مافی هەموو لایەنەکان و گشت پێکهاتەکانی هەرێمی کوردستانی تێدا پارێزراو بێت.

وێنە گەورەكە: بەپێی بڕیاری سەرۆكایەتی هەرێمی كوردستان بڕیارە 10-6-2024 هەڵبژاردنی پەرلەمانی كوردستان بەڕێوەبچێت، بەڵام پارتی دیموكراتی كوردستان لە شێوازی بەڕێوەچوونی هەڵبژاردنەكە ناڕازییە و چەند داواكارییەكی پێشكەش كردووە.