لە پارێزگایەکی عێراق 621 کەس تووشی هەناسەتەنگی هاتن و ڕەوانەی نەخۆشخانە کران

ئاڤا نیوز

وەزارەتی تەندروستی عێراق ڕایگەیاند: لە پارێزگای کەربەلا 621 کەس بەهۆی لێچوونی غازی کلۆرەوە تووشی هەناسەتەنگی هاتوون و گواستراونەتەوە بۆ نەخۆشخانە، سەرجەمیشیان چارەسەریان بۆ کراوە و بەتەندروستییەکی باشەوە نەخۆشخانەیان جێهێشتووە.

وێنە گەورەکە: دوێنێ بەهۆی لێچوونی غازی کلۆر لە یەکێک لە فەرمانگەکانی ئاو لەسەر ڕێگەی کەربەلا - نەجەف، بەشێک لە زیارەتکاران تووشی حاڵەتی هەناسەتەنگی هاتن، بەوتەی لیژنەی باڵای زیارەتە ملیۆنییەکانیش ڕووداوەکە بە تەواوی کۆنتڕۆڵکراوە و هیچ زیانێکی جێگەی باسی نەبووە.

لێدوانی فەرمی: سەیف بەدر، وتەبێژی وەزارەتی تەندروستی عێراق ڕایگەیاند، بەهۆی ڕووداوەکەی دوێنێ و لێچوونی غازی کلۆرەوە، لە پارێزگای کەربەلا 621 کەس تووشی هەناسە تەنگی هاتوون و ڕەوانەی نەخۆشخانە کراون، دواتریش سەرجەمیان چارەسەرییان بۆ کراوە و بە تەندروستییەکی باشەوە نەخۆشخانەیان جێهێشتووە.