فەرمانگەی پەیوەندییەکانی دەرەوە: سەردانی مەسرور بارزانی بۆ ئەمریکا دوورە لە ڕاستییەوە

ئاڤا نیوز

لەماوەی ڕابردوو لە هەندێک میدیا و سۆشیال میدیا هەواڵی سەردانی سەرۆکوەزیران مەسرور بارزانی بۆ ئەمریکا بڵاوکرایەوە، فەرمانگەی پەیوەندییەکانی دەرەوەی هەرێمی کوردستان دەڵێت، ئەم هەواڵە دوورە لە ڕاستییەوە.

ڕاگەیێنراوی فەرمی: فەرمانگەی پەیوەندییەکانی دەرەوە ڕایگەیاندووە، چەند ڕۆژێکە هەندێک میدیای نابەرپرس بە مەرامی تایبەت، هەواڵی سەردانی سەرۆکوەزیرانیان بۆ ئەمریکا و دیدار لەگەڵ بەرپرسانی باڵای ئەم وڵاتە بڵاوکردووەتەوە، ئەم هەواڵە دوورە لەڕاستی و هیچ بنەمایەکی نیە.

فەرمانگەی پەیوەندییەکانی دەرەوە، دەڵێت، هیوادارین ڕاگەیاندن پشت بە سەرچاوەی فەرمی ببەستێت نەک ئامانجی چەواشەکردنی ڕای گشتی بێت.