لە دهۆک 17 کەس بە تۆمەتی قومارکردن دەستگیر دەکرێن

ئاڤا نیوز

شەوی ڕابردوو لەلایەن تیمەکانی پۆلیسی نەهێشتنی تاوان لە دهۆک 17 کەس بە تۆمەتی قومارکردن دەستگیر کران.

ڕاگەیێنراوی فەرمی: لە ڕاگەیێنراوێکدا، بەڕێوەبەرایەتی پۆلیسی دهۆک ڕایگەیاند: کاتژمێر 12ـی شەوی یەکشەممە، لەلایەن تیمی پۆلیسی نەهێشتنی تاوانەوە توانراوە 17 تۆمەتبار لەسەر تاوانی قومارکردن دەستگیر بکەین.

بەگوێرەی ڕاگەیێنراوەکە، تۆمەتبارەکان لە کاتی قومارکردن لە کافتریایەکی سەنتەری پارێزگای دهۆک دەستگیر کراون.

زانیاریی زیاتر: بە بڕیاری دادوەری لێکۆڵینەوە، تۆمەتبارەکان بە گوێرەی ماددەی 389 بەندکراون.