ئەمساڵ 85% داشکاندن بۆ قوتابیانی پارالێڵ و ئێواران دەکرێت

ئاڤا نیوز

 

داشکاندنی 20% لە کرێی خوێندنی پارالێڵ، یەکێک بوو لەو بڕیارە گرنگانەی سەرۆکوەزیران بارزانی لە بەرژەوەندیی خەڵک دای. 

 

وێنە گەورەکە: دوای کۆبوونەوەی ئەنجوومەنی وەزیران، سەرۆکوەزیران بارزانی پەیامێکی لەڕێگەی ڤیدیۆوە بڵاوکردەوە و کۆمەڵێک بڕیاری گرنگی دا، یەکێک لەو بڕیارانە، داشکاندنی 20%ـی کرێی خوێندنی پارالێڵ لە زانکۆ و پەیمانگەکان بوو.

 

بۆچی گرنگە؟ ئەم بڕیارە نزیکەی 50 هەزار قوتابی دەگەرێتەوە و دەبێتە پاڵپشتییەکی باش بۆ ئەوەی بەردەوامی بە پرۆسەی خوێندن بدەن و دانەبڕێن.

 

لێدوانی فەرمی: عەباس ئەکرەم، گوتەبێژی وەزارەتی خوێندنی باڵا بە ئاڤا نیوزی گوت: "بۆ ئەمساڵی خوێندن تەنیا لە 15%ـی کرێی خوێندن لە قوتابیانی پارالێڵ و ئێواران وەردەگیرێت”.

 

لەلایەکی دیکەوە: پێشتر وەزارەتی خوێندنی باڵا لە دوو بڕیاری جیاوازدا، داشکاندنی بە ڕێژەی 20% و 45% بۆ قوتابیانی پارالێڵ و ئێواران کردبوو، بەم بڕیارەی دوێنێش کۆی داشکاندنەکە بووە 85%.

 

ئەوەش بزانە: ئامانج لە بڕیارەکە، ڕەچاوکردنی بارودۆخی دارایی قوتابیانە و لە ماوەی پێنج ساڵی ڕابردووشدا، کابینەی نۆیەم بەردەوام ئاسانكاریی بۆیان کردووە.