وەزارەتی پێشمەرگە ڤەیپ و نێرگەلە لە بارەگا سەربازییەکان قەدەغە دەکات

ئاڤا نیوز

 

بەپێی بڕیارێکی وەزارەتی پێشمەرگە، کێشانی 'نێرگەلە و ڤەیپ' لە بارەگا سەربازییەکان قەدەغە دەکرێت و داوا لە فەرماندەکانیش کراوە کارمەندەکان ئاگادار بکەنەوە.

 

چیرۆکی سەرەکی: بەشی هەواڵگری لە وەزارەتی پێشمەرگە، نووسراوێکی ئاراستەی فیرقەکان کردووە، کێشانی 'نێرگەلە و ڤەیپ' قەدەغە دەکات.

 

زانیاریی فەرمی: لە نووسراوەکەی بەڕێوەبەرایەتیی کاروباری هەواڵگری کە کۆپیەکی دەست ئاڤا نیوز کەوتووە، تێیدا نووسراوە: "دیاردەی کێشان و بەکارهێنانی 'نێرگەلە و ڤەیپ' لەنێو فەوج، لیوا و فیرقەکانی سەر بە وەزارەتی پێشمەرگە قەدەغە دەکات".

 

زانیاریی زیاتر: لەو نووسراوەکەدس هاتووە، پێویستە بەشە هەواڵگرییەکان سەرجەم فەرماندە، ئەفسەر و کارمەندەکان ئاگادار بکەنەوە و پێیان بڵێن، کێشانی 'نێرگەلە و ڤەیپ' لە بارەگا سەربازییەکانیان بە هەموو شێوەیەک قەدەغەیە.