ترەمپ: پشتگیریی ئیسرائیل ناکەم بۆ داگیرکردنی غەززە

ئاڤا نیوز

 

سەرۆکی ئەمریکا دەڵێت، "پشتگیری ڕاستەوخۆی پلانەکەی ئیسرائیل بۆ داگیرکردنی تەواوەتی کەرتی غەززە ناکەم، بەڵام نابێت حەماس لە کەرتەکە بمێنێتەوە".

 

وێنە گەورەکە: ئیسرائیل بەردەوامە لە بۆردوومانەکانی بۆ سەر کەرتی غەززە و لە ماوەی ڕابردووشدا پلانێکی بۆ داگیرکردنی تەواوەتی کەرتەکە خستەڕوو بەمەستی ئازادکردنی بارمتەکان و لەناوبردنی حەماس، بەڵام ئەو پلانە کاردانەوەی نێودەوڵەتی بەدوای خۆیدا هێنا و سەرۆکی ئەمریکاش دەڵێت، ڕاستەوخۆ پشتگیری لە پلانەکانی ئیسرائیل ناکات.

 

لێدوانی فەرمی: دۆناڵد ترەمپ، سەرۆکی ئەمریکا ڕایگەیاند، پشتگیری ڕاستەوخۆی ئیسرائیل ناکات بۆ داگیرکردنی غەززە، بەڵام ئاماژەی بەوەشدا کە حەماس بارمتەکان ئازاد ناکات ئەگەر گۆڕانکارییەکی گەورە نەکرێت.

 

هاوکات ترەمپ گوتی، "ئیسرائیل دەبێت خۆی یەکلایی بکاتەوە هەنگاوی داهاتووی چی دەبێت؟ ئایا ڕێگە بە بزووتنەوەی حەماس دەدەن لە غەززە بمێننەوە و ئەوەندەی من دەزانم ئەوەیە  ناتوانن لەوێ بمێننەوە".

 

لەلایەکی دیکە: وەک ئاماژەیەک بۆ  هێرشەکانی حەماس، ترەمپ گوتی، "7ـی ئۆکتۆبەری ساڵی 2023تان لەبیر نەچێت".