دەست بە دابەشکردنی مووچەی مانگی دوو دەکرێت

ئاڤا نیوز

 

ئەو 600 ملیار دینارەی بەغدا ناردبووی ڕادەستی وەزارەتی دارایی کرا و سەرەتای هەفتەی داهاتوو دەست بە دابەشکردنی مووچە دەکرێت.

 

لێدوانی فەرمی: مه‌ولود سابیر، به‌ڕێوەبه‌ری گشتیی بانكه‌ بازرگانییه‌كان بە ئاڤا نیوزی ڕاگەیاند: "بۆ ڕاگەیاندنی لیستی مووچە چاوەڕێی بەغداین، ئەگەر بەتەواوی بینێرێت لیستی مووچەی هەموو وەزارەتەکان پێکەوە ڕادەگەیێنرێت، ئەگەر لەم یەک دوو ڕۆژەش نەینێرێت، بەپێی پارەی بەردەست لیستی مووچە ڕادەگەیێنرێت".

 

زانیاریی زیاتر: لەمڕۆوە دەست بە ئامادەکاریی بۆ دابەشکردنی مووچە کراوە و ئەو پارەیەی لەلایەن وەزارەتی دارایی وەرگیراوە بەسەر بانکەکان دابەش دەکرێت. 

لەلایەکی دیکەوە: سەرچاوەیەک لە وەزارەتی دارایی بە ئاڤا نیوزی گوت: "ئەگەر ئامادەکارییەکان تەواوبن ڕۆژی شەممە دەست بە دابەشکردنی مووچە دەکرێت، ئەگەرنا دەکەوێتە یەکشەممە".