یەکەمین کۆنفرانسی ساڵانەی تایبەت بە وزە لە هەرێمی کوردستان بەڕێوەچوو

ئاڤا نیوز

یەکەمین کۆنفرانسی ساڵانەی تایبەت بە وزە لە هەرێمی کوردستان بەڕێوەچوو، وەزارەتی سامان سرووشتییەکان و ژمارەیەک لە کۆمپانیا و زانکۆکان بەشدار بوون.

وێنە گەورەکە: بە دروشمی "بەهێزکردنی هاوبەش و بوونیادنانی داهاتوو"، کۆنفرانسی  KEG کە یەکەمین کۆنفرانسی ساڵانەی تایبەت بە سێکتەری وزەیە لە هەرێمی کوردستان، بەڕێوەچوو. لە کۆنفرانسەکەدا زیاتر لە 40 کۆمپانیا و دامەزراوەی حکومی و زانکۆکان بەشدارییان کرد، بەشێک لە نوێنەری کۆمپانیاکان سمیناریان لەسەر چەند تەوەرێک پێشکەشکرد.

لێدوانە فەرمییەکان:

- نیچیۆ ئیفریم، بەڕێوبەر لە کۆمپانیای بلو بێڵ کە یەکێک لە بەشداربووانی کۆنفرانسەکە بوو ڕایگەیاند، سەقامگیری ئاسایش فاکتەری سەرەکی وزەیە. وتیشی، "ئەگەر بەسەر ئاڵنگارییەکان سەربکەوین، دەتوانین هەلیکار لەڕێگەی پڕۆژەکانمانەوە دابین بکەین".

- دیمیتری ئوسۆلتسیڤ، ئەندازیاری پەرەپێدەری کێڵگەی نەوتی لە DNO ڕایگەیاند، "لەو شوێنانەی کە وەبەرهێنانی تێدا ئەنجامدەدەین، پێویستە زانکۆکانی هەرێمی کوردستان کارمەندی پسپۆرمان پێشکەش بکەن، یان کەسانی شارەزا لە ناوچەکە بۆ ئەوەی کارمان لەگەڵ بکەن، پێویستە پێکەوە گرێدان لە نێوان سرووشتی خاکەکە و بابەتی وەبەرهێنان دروست بکەین بۆ ئەمانەش پێویستمان بە هاوکاری دەستی ناوخۆیە".

- "ڕابوون دزەیی، دامەزرێنەری کۆنفرانسەکە ڕایگەیاند، با بەیەکەوە داهاتووی وزە لە کوردستان بوونیاد بنێین، لە هەرێمی کوردستان هەمووان بۆ داهاتوویەکی پرشنگدار کاردەکەین".

ئەوەی پێویستە بیزانیت: ئاڤا میدیا سپۆنسەری سەرەکی کۆنفرانسەکەیە و ستۆدیۆ و ستەیجی تایبەتی هەبوو و ڕووماڵێکی تایبەتی کۆنفرانسەکەی کرد.