بە بڕیاری سەرۆكوەزیران بارزانی ماستەرپلانی هەڵەبجە جێبەجێ دەكرێت

ئاڤا نیوز

وەزیری شارەوانی و گەشتوگوزاری حكومەتی هەرێمی كوردستان ڕایگەیاند، بە بڕیاری سەرۆكوەزیران بارزانی، گوژمەی پێویست بۆ ماستەرپلانی هەڵەبجە تەرخانكراوە و كارەكانیش دەستپێدەكەن.

لێدوانی فەرمی: ساسان عەونی، وەزیری شارەوانی و گەشتوگوزاری حكومەتی هەرێمی كوردستان ڕایگەیاند: مەسرور بارزانی، سەرۆكی حكومەتی هەرێمی كوردستان فەرمانیدا بە تەرخانكردنی گوژمەی پێویست بۆ پرۆژەی ماستەرپلانی شاری هەڵەبجە. 

ئەوەی پێویستە بیزانیت: سەرۆكوەزیران بارزانی لە سەردانەكەیدا بۆ پارێزگای هەڵەبجە بڕیاریدا پرۆژەی ماستەرپلانی هەڵەبجە جێبەجێ بكرێت و دوای وردەكاریی پرۆژەكە و لە ڕۆژی 25ـی ئاداری 2024، سەرۆكوەزیران فەرمانی دا بە تەرخانكردنی ئەو گوژمەیەی كە پێویستە بۆ جێبەجێكردنی پرۆژەی ماستەرپلانی شاری هەڵەبجە و پێدانی دەسەڵات پێمان بۆ ئەوەی هەنگاوەكانی پرۆژەكە بەزووترین كات دەست پێ بكەین و جێبەجێی بكەین. ساسان عەونی، ئەمەی گوتووە.

بۆچی گرنگە: ماستەرپلانی هەڵەبجە لە ئەولەویەتی پرۆژەكانی حكومەت و وەزارەتی شارەوانی و گەشتوگوزارە لە بواری دروستكردنی ماستەرپلان بۆ شار و شارۆچەكەكان، چونكە دەبێتە هۆی بووژانەوە و پەرەپێدان و گەشەسەندنی شاری هەڵەبجە لە هەموو ڕوویەكەوە.

كاریگەری و لێكەوتەكان: دوای بڕیاری تەرخانكردنی گوژمەكە لە لایەن سەرۆكوەزیران بارزانییەوە، كارەكانی پرۆژەكە پێدەنێتە قۆناغێكی پێشكەوتووەوە و پرۆسەی كاركردن خێراتر دەبێت و دەچێتە بواری جێبەجێكردنەوە.