چوارەمین فێستیڤاڵی هەنجیر لە تەق تەق بەڕێوەدەچێت

ئاڤا نیوز

بۆ ساڵی چوارەم لەسەریەك فێستیڤاڵی هەنجیر لە تەق تەق بەڕێوەدەچێت، پێشكەشكاری خۆشەویستی جەماوەر، ڕەسووكە لەسەر سەكۆی ئاڤا بەشدارە.

وێنە گەورەكە: دەڤەری تەق تەق بە چاندنی چەندین جۆر بەروبوومی سەوزە و میوە بەناوبانگە، بەتایبەت لە بەرهەمی هەنجیر كە ساڵانە هەزار تۆن هەنجیر لەو شارۆچكەیە بەرهەم دەهێنرێت و ڕەوانەی ناوچەكانی دیكەی هەرێمی كوردستان و شارەكانی ناوەڕاست و خوارووی عێراقیش دەكرێت، ئەمڕۆ هەینی 15ـی ئاب، چوارەمین فێستیڤاڵی ساڵانەی هەنجیر ئەنجام دەدرێت و چەند ڕۆژێكیش بەردەوام دەبێت.

ئەوەی پێویستە بیزانیت: ئاڤا میدیا لە فێستیڤاڵەكە، سەكۆی تایبەت بەخۆی دەبێت و هەردوو پێشكەشكاری ناوداری كوردستان و خۆشەویستی خەڵكی؛ شێخ دارا و ڕەسووكە پێشكەشكاری سەرەكیی فێستیڤاڵەكە دەبن، رەسووكە لە نێوجەرگەی فێستیڤاڵەكە دەبێت لە تەق تەق، شێخ داراش لە سلێمانییەوە بەشدار دەبێت.

بۆچی گرنگە: فێستیڤاڵەكە دەرفەتێكی گرنگە بۆ ساغکردنەوەی بەرهەمی جووتیاران و ناساندنی بەرهەمی کشتوکاڵیی سنوورەکە، بەتایبەت بۆ ئەو گەشتیارانەی سەردانی كۆیە و تەق تەق دەكەن.